ЖАҢАЖОЛДА “ЕҢБЕК ЛАГЕРІ” ӨТТІ
Мемлекет басшысы Қасым-Жомарт Кемелұлы Тоқаев «Әділетті мемлекет. Біртұтас ұлт. Берекелі қоғам» атты Қазақстан халқына Жолдауында 2025 жылды – «Жұмысшы мамандықтар жылы» деп жариялаған болатын.
12 тамыз – Жастар күніне орай Жаңажол ауылдық округінде “Еңбек лагері” ұйымдастырылды.
Ауқымды шараға ауданға қарасты кент және ауылдық округтерден жұмысшы жас мамандар, бастамашыл топ жетекшілері және жастар белсенділері қатысты.
Бағдарлама аясында “Жұмысшы жас мамандардың аудандық еңбек лагері” тақырыбында пленарлық отырыс өтіп, қатысушылар “Жаңажол” ЖШС-де іс-тәжірибе алмасты.
Сонымен қатар, “Қазіргі заман жұмысшысы: жаңа технологиялар және еңбек нарығы” атты секциялық отырыстар өткізіліп, “Таза Қазақстан” экологиялық акциясы аясында алма бағында тазалық жұмыстары жүргізілді.
Іс-шара Жаңажол ауылдық округінің орталық алаңында өткен концерттік бағдарламамен жалғасын тапты.
