Екі ғұмыр бір әдеби әлем атты кітап көрмесімен ауыл оқырмандары танысты

Бұл көрме – қазақ әдебиетінің қос алып тұлғасы, сөз зергері Тәкен Әлімқұлов пен сыршыл ақын, Мемлекеттік Әнұранның авторларының бірі Жұмекен Нәжімеденовтің өмірі мен шығармашылығын дәріптеуге арналған.

Көрменің мақсаты:

– Ұлттық әдебиетіміздің көрнекті өкілдерінің шығармашылық мұрасын жас ұрпаққа таныстыру;

– Әдебиет арқылы рухани құндылықтарды сіңіру;

Оқырмандардың көркем сөзге, ұлттық әдебиетке деген сүйіспеншілігін арттыру.

Кітап сөресінде қос қаламгердің таңдамалы туындылары, өмір жолынан сыр шертетін естеліктер мен зерттеу еңбектер топтастырылды.

Көрмеге келген ауыл оқырмандары әдебиет әлеміне тағы бір қадам жақындай түсті. Шара барысында оқырмандар өз пікірлерімен бөлісіп, сүйікті шығармаларынан үзінді оқыды.