ЖАЗҒЫ ДЕМАЛЫСТАҒЫ ҚОСЫМША БІЛІМ
Қазіргі заманғы қосымша білім беру сапаға салмақ беріп қана қоймай, бейресми білім беру тұжырымдамасын, қазіргі жастар өмірінде оқытудың жетпіс пайызын құрайтын әлемдік тәжірибенің трендін іске асырады десек қателеспейміз.
Бұл жүйе оқушының танымдық және шығармашылық әлеуетін дамытуды мақсат етіп, мектептен тыс оқыту мен тәрбиелеуді, оқушылардың сабақтан тыс жұмысын жаңаша бағытта мазмұнды ұйымдастырумен айналысады.
Қазіргі таңда Қармақшы ауданы бойынша қосымша білім беру ұйымдары жанынан жазғы тынығу лагерлерінде оқушылар үйінде 14 үйірме мен 10 аулалық клубтар бойынша (тамыз айын қосқанда) 963 бала қамтылса өнер мектебінде 8 үйірмеге 80 оқушы қатысып қосымша білім алуда.
Орталықтандырылған үйірмелер салауатты өмір салтын қалыптастыруға, жеке тұлғаны өздігінен дамытуға, шығармашыл, дарынды балаларды анықтап, оларға қолдау көрсетуге және балалардың құқығын қорғауға бағытталған көп деңгейлі білім жүйесін беруді көздейді.
