ҚҰРМЕТТІ АТА-АНАЛАР! ҚЫМБАТТЫ БАЛАЛАР!

Сіздерді 1 маусым – Халықаралық балаларды қорғау күнімен шын жүректен құттықтаймын!

Бала – ұлттың жалғасы, елдің ертеңі. Оның жан-жақты дамуы мен тәрбиесі – кез келген мемлекеттің басты құндылығы.

Ата-ана үшін баладан қымбат байлық жоқ. Ұрпақ тәрбиелеу – өмірдің ең басты мұраты.

Мемлекет басшысы: «Жас ұрпаққа сапалы білім мен тағылымды тәрбие беру, олардың бойына асыл қасиеттерді дарыту – баршамыздың ортақ міндетіміз. Мемлекет балалардың дамуы үшін барлық жағдайды жасайды», – деп атап өткен еді.

Президентіміздің салиқалы саясаты мен аймақ басшысының ерекше қолдауымен ауданымызда білім беру, мәдениет және спорт саласында ауқымды жұмыстар атқарылуда. Мектептер мен балабақшалар жаңартылып, балалардың шығармашылық және зияткерлік әлеуетін арттыруға бағытталған әлеуметтік жобалар жүзеге асуда.

Қазіргі таңда балалардың құқықтарын қорғап, сапалы білім беруге, қауіпсіз орта қалыптастыруға, денсаулықтарын сақтауға барынша жағдай жасалуда. Бұл – ата-аналар, ұстаздар және қоғамның ортақ күш-жігерінің жемісі.

ҚҰРМЕТТІ АТА-АНАЛАР!

Өскелең ұрпаққа көрсетіп отырған қамқорлықтарыңыз бен еңбектеріңіз үшін шынайы алғысымды білдіремін.

Бүгінгі балалардың ертеңгі күні биік белестерді бағындыруы – сіздердің тәлімдеріңіздің арқасы.

Еліміз тыныш, ұрпағымыз аман болсын! Балалар күні құтты болсын!