"Бақытты отбасы" партиялық жобасы аясында отбасы күніне орай аналармен кездесу өтті
Бүгін "Бақытты отбасы" партиялық жобасы аясында 15 мамыр - Отбасы күніне орай "AMANAT" партиясы Байқоңыр филиалына қарасты "Мәметова" бастауыш партия ұйымының ұйымдастыруымен көп балалы аналармен кездесу өткізілді.
Бүгінгі шараның мақсаты – қоғамдағы ортақ мәселенің маңыздылығына назар аударып, береке-бірлігі жарасқан, еліміздің келешегі жас өркендерді тәрбиелеп отырған, отбасының алтын діңгегі асыл аналарымызды ұлықтау.
Кездесуге қатысқан партия ардагері, Байқоңыр қаласы бойынша Аналар кеңесінің мүшесі Қанымша Сражанова өнегелі отбасы – бұл, тәлім-тәрбиесі, қалыптасқан қағидасы бар, береке-бірлігімен, асыл қасиеттері арқылы өзгеге өнеге болар шағын мемлекет. Отан – от басынан басталатынын ескерсек, алдымен Отанды құрайтын отбасы мықты болуы шарт. Ол үшін отбасылық құндылықтарды мемлекеттік деңгейде жандандыру, үлгілі отбасыларды насихаттау жұмыстары жолға қойылуы қажет деп атап өтті.
Шараны қорытындылай келе, "Мәметова" БПҰ жетекшісі Гүлнұр Қайнарбаева қатысқан аналарға алғысын білдірді.
