СӘДЕН НҰРТАЕВ АТЫНДАҒЫ ДӘСТҮРЛІ РЕСПУБЛИКАЛЫҚ ОЛИМПИАДА ӨТКІЗІЛДІ
Ақжар ауылы №28 орта мектебінде 9–10 сынып оқушылары арасында білім саласының ардагері, ұлағатты ұстаз Сәден Нұртаев атындағы Қазақстан тарихы пәнінен республикалық деңгейдегі олимпиада өткізілді.
Олимпиадаға Түркістан облысы мен Қызылорда өңірінің аудандарынан келген 22 оқушы қатысып, білімдерін сынға салды. Сайыс академиялық адалдықты сақтау және ашық форматта өткізу қағидасымен 6 жылдан бері дәстүрлі түрде ұйымдастырылып келеді.
Олимпиаданың жүргізілу шарасын «Өрлеу» біліктілікті арттыру ұлттық орталығы» акционерлік қоғамының филиалы Қызылорда облысы бойынша Кәсіби даму институты қолға алды.
Салтанатты жиында Қызылорда облысы бойынша Кәсіби даму институтының директорының орынбасары, тарих ғылымдарының кандидаты Сәкен Кәрбозұлы Серікбаев,С.Нұртаев ағайдың ұрпақтары атынан Нұртаев Рзақұл Сәденұлы,
Қармақшы аудандық білім бөлімінің басшысы Абдазиева Гульзира Мәжитқызы құттықтау сөз сөйлеп, қатысушыларға сәттілік тіледі.
Биылғы олимпиадаға Түркістан және Қызылорда облыстарынан келген оқушылар қатысып, білімдерімен бақ сынасты.
Олимпиада қорытындысымен жеңімпаз атанған оқушыларға қаржылай түрде сертификаттар мен марапаттар берілді.
