Ауданда ұстаз есімі ұлықталған білім бәйгесі өтті
qarmaqshy-tany.kz Бүгін Қармақшы ауданы Ақжар ауылында саналы ғұмырын ұстаздық пен елдік іске арнаған ардақты ұстаз Сәден Нұртаев атындағы Қазақстан тарихы пәнінен республикалық олимпиада өтті.
Жас білімгерлер сайысының ашылу салтанатында аудан әкімі Жандос Еркінбек ұлағатты ұстаз Сәден Нұртаевтың өмірі мен еңбек жолы туралы сөз қозғап, олимпиада қатысушыларына сәттілік тіледі.
Биыл алтыншы рет ұйымдастырылған дәстүрлі білім додасында Қызылорда, Батыс Қазақстан, Түркістан облыстарынан 25 жас тарихшы өз білімдерін сарапқа салуда.
Білім бәсекесінде жүзден жүйрік, мыңнан тұлпар шыққан жеңімпаздарға арнайы дипломдар мен қаржылай сыйлықтар табысталады.
