» » АЙМАҚ БАСШЫСЫ "ҚАЗАТОМӨНЕРКӘСІП" ҰАК АҚ БАСҚАРМА ТӨРАҒАСЫМЕН КЕЗДЕСТІ

АЙМАҚ БАСШЫСЫ "ҚАЗАТОМӨНЕРКӘСІП" ҰАК АҚ БАСҚАРМА ТӨРАҒАСЫМЕН КЕЗДЕСТІ


Облыс әкімі Нұрлыбек Нәлібаев «Қазатомөнеркәсіп» Ұлттық атом компаниясы» акционерлік қоғамының басқарма төрағасы Мейіржан Юсуповпен кездесті. Басқосуда ұлттық компанияның демеушілігімен 3 млрд 800 млн теңгеге салынатын жаңа «Достық үйінің» құрылысы талқыланды.

“Биыл - этносаралық түсіністіктің үлгісін әлемге танытқан Қазақстан халқы Ассамблеясының 30 жылдығы. Осы мерейлі жылда жаңадан салынатын «Достық үйі» – өңір халқының бірлігі мен ынтымағын нығайтуға атсалысқан этномәдени бірлестіктерге арналған, барлық қажеттіліктермен қамтамасыз етілген заманауи ғимарат болады. Бүгін өзіңіздің қатысуыңызбен оның іргетасын қалау рәсімі өтеді. Сізге және компания ұжымына Сыр жұртшылығының атынан шынайы алғысымызды білдіреміз”,– деді Нұрлыбек Машбекұлы.

Кездесуде Мейіржан Юсупов екіжақты әріптестіктің алдағы уақытта да нығая түсетініне сенім білдіріп, жоспарларын бөлісті.

Айта кетейік, «Қазатомөнеркәсіп» компаниясының қажетті жабдықтарды сатып алу жүйесіне жыл сайын шамамен 3 мыңға жуық кәсіпкер қатысады. Соның ішінде қызылордалықтар үлесі – 7%, яғни шамамен 200 кәсіпкер. Облыста 65 мыңға жуық кәсіпкер жұмыс істейді, оның 4500-ге жуығының жұмысы өндіріске бағытталған.

Қызылорда облысы әкімінің баспасөз қызметі

01 мамыр 2025 ж. 70 0

PDF нұсқалар мұрағаты

№31 (10399)

29 сәуір 2025 ж.

№30 (10398)

26 сәуір 2025 ж.

№29 (10397)

22 сәуір 2025 ж.

Оқиғалар

Әженің ашуы
02 қаңтар 2025 ж. 666
Ақсұлу

Ақсұлу

29 желтоқсан 2024 ж.

Суреттер сөйлейдi

Жаңалықтар мұрағаты

«    Мамыр 2025    »
ДсСсСрБсЖмСбЖс
 1234
567891011
12131415161718
19202122232425
262728293031