Жаңа қызметке тағайындалды

2025 жылдың 16 сәуірінен бастап Еспенбетов Руслан Марукаұлы Қармақшы аудандық электр торабы мекемесінің бастығы лауазымына тағайындалды.

Руслан Марукаұлы 1978 жылы Қызылорда облысы, Қармақшы ауданы, Жосалы кентінде дүниеге келген. 2008 жылы Қорқыт Ата атындағы Қызылорда мемлекеттік университетін тәмамдаған.

Еңбек жолын 2000 жылы Қармақшы аудандық электр торабы мекемесінде электромонтер болып бастаған. Одан кейінгі жылдары осы салада табанды еңбек етіп, инженер, бөлім басшысы, мекеме басшысының орынбасары сынды жауапты қызметтерді абыроймен атқарды.

Энергетика саласында жиырма жылдан астам тәжірибесі бар маман жаңа лауазымда да аудан тұрғындарын сапалы электр қуатымен қамтамасыз ету және сала инфрақұрылымын дамыту бағытында нәтижелі жұмыстар жүргізеді деп күтілуде.