Жаңа қызметке тағайындалды

2025 жылғы 21 сәуірден бастап Қармақшы аудандық санитариялық-эпидемиологиялық бақылау басқармасының басшысы лауазымына Идрисова Әлия Нұрмағанбетқызы тағайындалды.

Әлия Нұрмағанбетқызы Қызылорда облысында дүниеге келген. 2001 жылы Қорқыт Ата атындағы Қызылорда мемлекеттік университетін «гигиена және эпидемиология» мамандығы бойынша аяқтаған.

Еңбек жолын 2001 жылы Қызылорда облыстық санитарлық-эпидемиологиялық станциясында санитарлық дәрігері болып бастап, кейінгі жылдары Қазақстан Республикасы Денсаулық сақтау министрлігіне қарасты департаменттерде инфекциялық және паразиттік ауруларды эпидемиологиялық бақылау бағытында түрлі жауапты қызметтерді абыроймен атқарды.