ТҮНГІ РЕЙД ЖҰМЫСТАРЫ ЖҮРГІЗІЛДІ

Аудан көлемінде кәмелетке толмағандармен, оларға қарсы жасалатын қылмыс пен құқық бұзушылықты анықтау, алдын-алу, сондай-ақ, балалар еңбегін пайдалану, балалардың қадағалаусыз және панасыз қалуының алдын-алу, құқықтық сауаттылықты арттыру бойынша рейдтік профилактикалық жұмыстары жүргізілді.

Рейдтік іс-шараларға аудандық дербес бөлім басшылары, полиция және жастар ресурстық орталығы, сондай- ақ аудан бойынша кәмелетке толмағандар ісі жөніндегі комиссия мүшелері, білім бөлімінің қызметкерлері мен ерікті түрде мұғалімдер тартылды.

Профилактикалық жұмыстар жастар көп шоғырланатын орындарда және кафе-бар, спорттық ойын алаңдарында жүргізіліп, кәмелетке толмаған жасөспірімдердің түнгі 22:00-ден кейін заңды өкілдерінсіз көшеде жүрмеуі қадағаланды.