ОҚУШЫМЫЗ ҚАЗАҚСТАН РЕСПУБЛИКАСЫ ЧЕМПИОНАТЫНАН ОЛЖАЛЫ ОРАЛДЫ

Тараз қаласында үстіміздегі жылдың 24-28 наурыз күндері 2009-2011 жылы туылған жасөспірімдер арасында өткізілген "Бес асық" ойыны бойынша Қазақстан Республикасының чемпионатына №107 орта мектебінің 8-сынып оқушысы Сәкенқызы Назыгүл қатысып, бақ сынады.

️Аталмыш додада Қызылорда облысының атынан қатысқан №107 орта мектебінің оқушысы Сәкенқызы Назыгүл жүлделі 2-орын иеленіп, күміс медальмен марапатталды.

Осы ретте оқушыны осындай керемет жетістіктерге жеткізіп, үздік нәтиже көрсетіп жүрген әріптесіміз дене шынықтыру пәнінің мұғалімі Сламханұлы Шерханды шын жүректен құттықтаймыз!

Шәкіртімізді жеңісімен құттықтай отырып, ұлттық ойындардың мәртебесін көтеріп, жас ұрпаққа кеңінен насихаттап, шәкірттерін биіктерге шығарып жүрген әріптесімізге бұдан да биік белестерді бағындыра беріңіз демекпіз!