”ПОЭЗИЯ МИНУТТАРЫ” МӘНЕРЛЕП ОҚУ САЙЫСЫ ӨТКІЗІЛДІ
Мемлекет басшысы Қасым-Жомарт Тоқаев Ұлттық құрылтайда сөйлеген сөзінде: «Біз, ең алдымен, жастарды кітап оқуға баулуымыз керек. Сонда, жаппай кітап оқитын ұлтқа айналамыз. Тәуелсіздік кезеңінде елімізде кітапхана ісі кенжелеп қалды. Тоқсаныншы жылдардағы аласапыран уақытта/ мыңдаған кітапхана жабылды. Миллиондаған кітап қорынан айырылдық. Соңғы жылдары жағдайды түзеу үшін әрекет жасалып жатыр. Кітапхана – мемлекеттің, ұлттың негізгі жады» - деген болатын. Осы мақсатта студент жастардың кітап оқуға қызығушылығын арттыру мақсатында іс-шаралар жүйелі жүзеге асуда.
Қармақшы аграрлы-техникалық колледжінде "Оқуға құштар колледж" жобасы аясында "Поэзия минуттары" тақырыбында студенттердің кітапқұмарлығын арттыру, кітап оқу мәдениетін қалыптастыру, әдеби және көркем талғамын тәрбиелеу, көпшілік алдында сөйлеу дағдыларын қалыптастыру, орындаушылық шеберлігін дамыту мақсатында колледжішілік мәнерлеп оқу сайысы ұйымдастырылды. Сайыс барысында білім алушылар таңдап алған кітаптағы ақынның өмірі туралы сұрақтарға жауап беріп, таңдалған ақынның нақыл сөздерінің жалғасын тауып, таңдаған өлеңдерін мәнерлеп оқыды. Сайыстың қорытындысы бойынша Н.Қоспанова, А.Алдабергенова, И.Алтайұлы Алғыс хаттарымен марапатталды.
