Құрметті Жосалы кентінің тұрғындары!

2025 жылдың 8 наурыз күні сағат 17:00 шамасында Жосалы кентінің Шығыс бөлігіндегі «Бейнеу-Бозой» газқұбыры аумағынан жиналған қарғын су Жосалы кенті,«Тәуелсіздік» ықшам ауданының аумағына жайылған болатын.

Жедел штаб құрылып, 15 техника, 200-ге жуық адам жұмылдырылып, арнайы техникамен су тарту, бөгеу жұмыстары атқарылды.

Бірлескен жұмыстың нәтижесінде кент аумағына келіп жатқан судың арнасы бөгеліп, қауіп сейілді.

Сонымен қатар, Сырдария өзенімен Қараөзек арнасының деңгейіне мониторинг жүргізілді. Су деңгейі бір қалыпта. Ешқандай қауіп жоқ.

Осы ретте, түсіністік танытып ауызбіршілікпен жұмыла еңбек еткен

барлық құрылымдарға, еріктілерге, тұрғындарға шынайы алғысымды білдіремін.

Біз бірліктің арқасында кез-келген қиындықты еңсереміз.

Еліміз аман, жұртымыз тыныш, бірлігіміз бекем болсын!