Музей қоры құнды экспонаттармен толығуда

80 жылдыққа - 80 экспонат" музейге сый акциясы аясында музей қоры құнды экспонаттармен толығуда. Қармақшы ауданының тумасы, қолөнерші Баймаханов Қанибек Қызылорда қаласынан арнайы музейге келіп, әкесі соғыс ардагері Баймаханов Сәдуақастың (1904-1992) орден, медальдарын, құжаттарын, тұтынған заттары мен қолынан шыққан ат әбзелдерін, т.б. заттарды музей қорына тапсырды.

Баймаханов Сәдуақас 1942 жылы маусым айында неміс басқыншыларына қарсы соғысқа аттанған. Астрахань қаласынан басталған әскери жорық Сталинградтың Дубовка деген қаласын, Сталинградты, Мелитополь, Қырым, Одесса қалаларын жаудан азат етуге қатысқан. 1944 жылдың күз айында ауыр жараланып, елге оралған.