ҚазАқпарат - Шымкентте «Миллионмен бірге жарқырайық» атты ерекше флешмоб өтті. Шарада қала тұрғындары аспанға тілектер жазылған  шамдарды ұшырды,  деп хабарлайды ҚазАқпарат тілшісі.

Тарихи сәтті атап өтуге шым шаһар тұрғындары Наурыз алаңына жиналды. Ауа-райының қолайсыздығына қарамастан келген халықтың қарасы қалың болды. Бұл шараның тағы бір ерекшелігі - қала аумағында  электр энергиясы бір сәтке сөндірілді. Сөйтіп тұрғындар шамдарды жағып, миллион киловаттық электр энергиясын үнемдеуге үлес қосты.