БАЛАЛАРҒА ҚУАНЫШ СЫЙЛАҒАН КЕРЕМЕТ КҮН

Аудан әкімдігінің ұйымдастыруымен Ш. Төлепова атындағы мәдениет үйінде көпбалалы отбасылардың балалары мен ерекше балаларға әлемдік анимация өнерінің жауһары – "Моанна" мультфильмін тамашалауға тегін билеттер тарту етілді.

Бұл әсерлі оқиға балаларға ұмытылмас қуаныш сыйлап қана қоймай, олардың армандауға, батыл болуға және өз мақсатына ұмтылуға деген сенімін нығайтты. Шара барысында кішкентай көрермендер сиқырлы мультфильм әлеміне еніп, жарқын эмоцияларға бөленді.

Осындай игі бастамалар бүлдіршіндердің әлеуметтік бейімделуіне, рухани дамуына және бақытты балалық шақ қалыптастыруға өз үлесін қосары сөзсіз.