ҚОШ КЕЛДІҢ, ЖАҢА ЖЫЛ!

Жаңа жыл – әр адамның жүрегіне үміт сыйлайтын, қуаныш пен мейірімге толы ерекше мереке. Қармақшы ауданы бұл айтулы күнді бар сән-салтанатымен қарсы алды.

Мерекелік шара ауданның орталық алаңында ұйымдастырылып, оған жергілікті тұрғындар мен қонақтар көптеп жиналды. Шараға қатысқан аудан әкімі Жандос Еркінбек, барша тұрғындарды Жаңа жылмен құттықтап, өткен 2024 жылдағы ауданның қол жеткізген жетістіктерін атап өтті. Сондай-ақ алдағы 2025 жылға арналған жоспарларымен бөлісті.

Мерекелік кештің шырайын кіргізген басты кейіпкерлер – Аяз ата мен Ақша қар болды. Балалармен бірге ойын ойнап, ән шырқаған ертегі кейіпкерлері мерекенің көркін қыздырды.

Шара көркемөнерпаздардың арнайы дайындаған концерттік бағдарламасымен жалғасты.

Бұл мереке Қармақшы ауданы тұрғындарының бірлігін арттырып, олардың жарқын болашаққа деген сенімін нығайтты.

Барша қармақшылықтарға 2025 жыл тек қуаныш, денсаулық және жаңа мүмкіндіктер әкелсін! Жаңа жыл құтты болсын!