Қармақшы ауданы әкімдігінде мәжіліс өтті

Аудан әкімі Жандос Еркінбектің төрағалығымен кезекті мәжіліс өтті. Жиын барысында мереке күндері халықтың әлеуметтік-тұрмыстық жағдайын қамтамасыз ету, аудан тұрғындарының қауіпсіздігін сақтау және коммуналдық қызметтердің үздіксіз жұмысын ұйымдастыру мәселелері қаралды.

Мәжілісте барлық сала басшыларына күшейтілген жұмыс режимін қамтамасыз ету тапсырылып, коммуналдық қызметтердің, медициналық мекемелердің және басқа да маңызды салалардың дайындығы талқыланды. Аудан басшысы Жандос Еркінбекұлы әр мекеме басшысына өзіне жүктелген міндеттерді орындауда жауапкершілікпен қарауды қатаң ескертті.

Жиын қорытындысы бойынша аудан әкімінің орынбасарлары мен аппарат басшысына берілген тапсырмалардың орындалуын бақылау және қызметтерді үйлестіру міндеттелді.