МЕМЛЕКЕТТІК АТТЕСТАТТАУ БОЙЫНША АҚПАРАТТЫҚ-ТҮСІНДІРМЕ ЖҰМЫСТАРЫ ЖҮРГІЗІЛДІ
2024 жылғы 19 желтоқсан күні Қызылорда облысының білім саласында сапаны қамтамасыз ету департаментінің басшысы Ғалия Дәулетова Қармақшы ауданы бойынша білім беру ұйымдарының басшыларына семинар-кеңес өткізіп,мемлекеттік аттестаттау бойынша ақпараттық-түсіндірме жұмыстарын жүргізді.
Семинар-кеңесте Департамент басшысы Қармақшы ауданы бойынша білім беру ұйымдарының мемлекеттік аттестаттау қорытындыларына тоқталды.
Ағымдағы жылы Қармақшы ауданының 12 білім беру ұйымы мемлекеттік аттестаттаудан өткізілді, оның ішінде 2 балабақша, 10 мектеп.
Сонымен қатар, мемлекеттік аттестаттаудан жоғары нәтиже көрсеткен Байқоңыр қаласындағы №273 орта мектепке Қазақстан Республикасы Оқу-ағарту министрлігі Білім саласында сапаны қамтамасыз ету комитеті төрағасының дипломын табыстады.
Сондай-ақ, Департамент басшысы білім саласына қатысты нормативтік-құқықтық актілерге енгізіліп жатқан өзгерістермен таныстыра отырып, білім сапасын арттыру бағытындағы жұмыстарға үнемі сыртқы бақылау жүргізілетіндігін айтып, осы бағыттағы жұмыстарды жетілдіру бойынша бірқатар ұсыныстарын жеткізді.
