ЖАС КЕЛСЕ – ІСКЕ
Мемлекетіміздің даму тетігінің кілті – білікті жас маман қолында. Ал өз ісінің шебері болу, мамандықты дұрыс таңдай білу тетігі мектеп қабырғасында қалыптасады. Жоғары сыныпта оқушылар өзінің келешек мамандығына, яғни болашақта кім боларына таңдау жасайды.
Т.Көмекбаев атындағы No250 мектеп-лицейінде тәуелсіздіктің 33 жылдығына орай 9-13 желтоқсан аралығында «Болашақтың иесі – жас маман» апталығы ұйымдастырылды.
Апталықта жас мамандар ашық сабақ, тәрбие сағаты, тренинг пен сайыстар, сыныптан тыс лабораториялық жұмыстарды жақсы көрсете алды. Апталық соңында барлық іс-шаралар қорытындыланып, баға берілді. Белсенді жастарды мектеп-лицей директоры Г.Еркебаева алғыс хатпен марапаттап, оларға ризашылығын білдірді. Алдағы уақытта да жастарға сәттілік тілеп, ізденімпаз ұстаздың алға озатынын атап өтті.
С.ЕРТІЛЕУОВ,
Т.Көмекбаев атындағы No250 мектеп-лицей директорының
тәрбие ісі жөніндегі орынбасары
