Мемлекеттік қызметшілерге арналған семинар-кеңес өтті
Қармақшы ауданы әкімінің аппарат басшысы Диас Молдабаевтың төрағалығымен мемлекеттік қызметшілерге арналған семинар-кеңес өтті. Іс-шараға кент және ауылдық округ әкімдері, бөлім басшылары мен қызметкерлері қатысты.
Семинар-кеңестің негізгі мақсаты – мемлекеттік қызметкерлердің кәсіби біліктілігін арттыру, сыбайлас жемқорлыққа қарсы іс-қимыл және әдептілік мәселелері бойынша заңнамалық талаптарды түсіндіру.
Кеңеске арнайы қатысқан Қызылорда облысы әкімі аппаратының Әдеп жөніндегі уәкілі Шәкірбаев Мақсат Сәмитұлы мемлекеттік қызмет, сыбайлас жемқорлыққа қарсы іс-қимыл заңнамалары және әдеп кодексінің талаптары жөнінде жан-жақты түсіндірме жұмыстарын жүргізді. Ол мемлекеттік қызметшілердің өз міндеттерін адал әрі кәсіби түрде атқаруы, заң аясында тәртіпті сақтау және сыбайлас жемқорлыққа қарсы күрестің маңызы туралы кеңінен баяндады.
Семинар соңында қатысушылар өз сұрақтарын қойып, заңнамалық өзгерістерге қатысты пікір алмасып, болашақта осы бағытта жұмыстарды күшейту бойынша ұсыныстар білдірді.
