Құқықтық сауаттылық - заман талабы
Қармақшы ауданы Т.Көмекбаев атындағы №250 мектеп-лицейі интернатында Э.Қойшыбаева мен Б.Қалмаханованың ұйымдастыруымен «Құқықтық сауаттылық-заман талабы» тақырыбында сайыс өткізілді.
Сайыстың мақсаты- интернат тәрбиеленушілері арасында құқық бұзушылықтың алдын алу, заңды құрметтейтін дамыған үлесімді тұлғаны қалыптастыру болып табылады.
Іс-шараға мектеп-лицей директорының тәрбие ісі жөніндегі орынбасары С.Бертлеуов және мектеп-лицейдің көшбасшы оқушысы, омбудсмені Орынбасаров Ердәулет арнайы қатысты. Сайыс барысында оқушыларды топтастырып жас ерекшеліктеріне байланысты құқықтық кеңестер берілді. Жаңа әдістерді тиімді қолдана отырып қызықты өтуіне ықпал жасады. Сонымен бірге оқушылармен слайд арқылы жұмыс түрлерін ұйымдастырылып, оқушылар орындалған тапсырмаларға кері байланыс жүргізілді.
Іс-шара соңында мектеп-лицейінің тәрбие ісі жөніндегі орынбасары С.Бертлеуов қорытындылап, белсенділікпен қатысқан оқушылар марапатталды.
