qarmaqshy-tany.kz Қармақшы ауданы Т.Көмекбаев атындағы №250 мектеп-лицей интернатында тәрбиеші Б.Қалмаханованың ұйымдастыруымен «Құқықтық жауапкершілікті сезіну-азаматтың парызы» тақырыбында кездесу өтті. Шараға мектеп директорының тәрбие ісі жөніндегі орынбасары С. Бертлеуов, мектеп инспекторы М.Жұбатқанова және интернат тәрбиешілері мен оқушылары қатысты.

Іс-шараның мақсаты-оқушылар арасында құқық бұзушылықтың алдын алу және оқушылардың құқықтық сауаттылығын арттыру, қоғамның заңдары мен нормаларын орындауға құқықтарын біліп, оны құрметтеуге тәрбиелеу.

Кездесу барысында №250 мектеп-лицей интернатының оқушылары арнайы дайындалған Қ.Р.Конституциясының баптарына тоқталып, айтып өтті. Мектеп инспекторы М. Жұбатқанова құқық бұзушылықтың алдын алуға байланысты сұхбаттасып, қойылған жағдаяттық сұрақтар бойынша түсіндірме жұмыстарын жүргізді. Шараны директордың тәрбие ісі жөніндегі орынбасары С.Бертлеуов құқық бұзушылықтың алдын алуға байланысты оқушылармен пікірлесіп, қорытындылады.