Сурет байқауы: «Есірткінің адамзатқа кесірі»

"Нашақорлыққа жол жоқ!" жобасы аясында «Есірткінің адамзатқа кесірі» атты аудандық сурет байқауы өткізілді.

Балалардың зиянды әдеттерден аулақ болып, өзін де өзгені де зиянды әдеттердің қасіретінен қорғай білуге үйрету және салауатты өмір сүруге баулу, жас суретшілерді анықтау, шығармашылық ізденіске жетелеу мақсатындағы іс шараға Қармақшы ауданы прокуратурасының прокуроры Шаймахан Нұржігіт Нұржанұлы мен аудандық білім бөлімінің басшысы Абдазиева Гульзира Мажитқызы арнайы қатысып, оқушыларға өткізіліп отырған шараның маңыздылығын айрықша атап өтті.

Байқауға аудан мектептерінен 23 білім алушы қатысты.

Қазылар алқасы жұмыстың қатысушының тақырыбына және жасына сәйкестігіне, плагиаттың болмауына, идеяны жүзеге асырудың креативті тәсіліне, ақпараттылығына жұмыстың орындалу сапасына баса назар аударды.

Байқау нәтижесі бойынша №105 мектеп- лицейінің 8 сынып оқушысы Нұрланқызы Еркеназ облысқа жолдама алды.