Бір ел-бір кітап акциясы
Оқырмандар мен кітапханашылар арасында өз орнын тауып отырған «Бір ел-бір кітап акциясы» Қазақстан Республикасының Ұлттық академиялық кітапханасының ең үздік және бірегей жобаларының бірі. Осыған байланысты Иіркөл ауылдық кітапханасының кітапханашысы Ж.Жанақаева №106 орта мектептің ұжымымен бірлесіп, Бауыржан Момышұлының «Ұшқан ұя » кітабына әдеби талдау өткізді. Қазақ тілі пәнінің мұғалімі А.Темірова Б. Момышұлының өмір жолы жайлы айтып берді. Оқырмандар жазушының Ұшқан ұя кітабына талдау жасап, өз ойларын ортаға салды. Кітапханашының мақсаты даңықты қолбасшы, қаһарман тұлғаның әлі де беймәлім қырлары,ұлт, тіл,туған жер, Отан, ел, салт-дәстүрге қатысты мол мұрасын бүгінгі жас ұрпаққа ұдайы таныстырып отыру. Ж.Жанақаева тақырыпқа сай ұйымдастырылған кітап көрмесімен оқырмандарды таныстырды.
