Сәулетті сөздің шебері
Жуырда кент кітапханасында «Адал адам» мәдени тәрбие орталығы тұжырымдамасының «Әлем book» жобасы аясында ақын, жырау Дүр Оңғар Дырқайұлының 165 жылдығына орай «Жыр дүлейі – Дүр Оңғар» атты жыр кеші өткізілді.
Кешке кітапхана оқырмандары, жыраудың немере келіні Айнагүл апа, К.Рүстембекұлы атындағы жыраулар үйінің қызметкері Руслан Өтегенов және С.Есқараев атындағы №27 орта мектептің оқушылары қатысты. Ақынның өмірі мен шығармашылығына арналған «Сәулетті сөздің шебері» атты кітап көрмесі оқырмандар назарына ұсынылды. Жас ұрпаққа ақын, жыраудың өмір жолы мен өлең-жырларын, шығармашылығын, әдеби мұраларын насихаттауды мақсат еткен жиын жоғары деңгейде өтті. Өнегелі әңгіме, тәлімді термеге толы кеш көптің есінде ұзақ сақталатыны анық.
«ҚТ» ақпарат
