Бүгін АЭС салу жөніндегі жалпыхалықтық референдум қорытындысын қолдау мақсатында "AMANAT" партиясы Байқоңыр филиалының БПҰ төрағаларымен кездесу өтті.

Жиында партияның Байқоңыр филиалының Атқарушы хатшысы Мақсат Есбенбетов референдум нәтижелеріне тоқталып өтті.

"Қазақстандықтардың 71,12%-ы атом электр станциясын салуды қолдады.

Орталық референдум комиссиясы республикалық референдумның қорытынды нәтижелерін жариялады. Сонымен, Қазақстанда атом электр станциясын салуды қолдағандар саны 5 561 937 адамды, яғни дауыс бергендердің 71,12%-ын құрады. Дауыс беруге қатысқан азаматтардың саны 7 миллион 820 мың 204 адамды немесе референдумға қатысуға құқығы бар азаматтар санының 63,66% құрады", - деді Мақсат Есбенбетов.

Кездесу соңында БПҰ төрағалары өз ойларымен бөлісіп, азаматтар өздерінің конституциялық құқығын пайдаланып, таңдау жасады. Қазақстанның энергетикалық тәуелсіз болуын таңдады.

АЭС құрылысы – бұл еліміздің алдағы ұзақ жылдардағы табысты дамуының кепілі деп атап өтті.