Әдеби сайыс әлемі
Кент кітапханасында «Мың бір мақал, жүз бір жұмбақ» атты әдеби сайыс өткізілді. Оған кітапхана оқырмандары мен С.Есқараев атындағы No27 орта мектептің 5-6 сынып оқушылары қатысты.
Әдеби сайыстың басты мақсаты – жас оқырмандарды ата-бабаларымыздан қалған өсиет сөздері арқылы адамгершілікке, ойын нақты жеткізуге, тапқыр сөйлеуге, ана тілінде сөздік қорын молайтуға, жылдамдыққа тәрбиелеу.
Төрт кезеңнен тұратын сайысқа халықаралық «Қазақ тілі» қоғамының аудандық филиалының төрайымы Гүлжауhар Раева, облыстық тілдерді оқыту орталығының аудандағы оқытушысы Гүлжанат Дүзенова, С.Есқараев атындағы No27 орта мектептің кітапханашысы Жаңагүл Ибраева қазылық етті.
Сайыс соңында қазылар алқасы белсене қатысқан оқушыларды аудандық орталықтандырылған кітапханалар жүйесінің директоры К.Қаниеваның Алғыс хатымен марапаттады.
«ҚТ» ақпарат
