Жыр жаттап жарысты
qarmaqshy-tany.kz Аудандық орталықтандырылған кітапханалар жүйесінде ҚР Ұлттық академиялық кітапханасының қолдауымен жас оқырмандар арасында Шәкәрім Құдайбердіұлының 165 жылдық мерейтойына орай «Шәкәрім оқуларының» аудандық байқауы өтті.
Іс-шарада қазақ халқының ойшылы Шәкәрім Құдайбердіұлы шығармаларын насихаттап, оның өлеңдерін жаттауда кітапхана оқырмандары белсенділік танытты.
Байқауға «Қазақ тілі» қоғамы аудандық филиалының төрайымы Күлжауһар Раева, облыстық Тілдерді дамыту орталығының аудандағы мемлекеттік тіл оқытушысы Гүлжанат Дүзенова, аудандық орталықтандырылған кітапханалар жүйесінің директоры Күлшара Қаниевалар төрелік етті.
Сайыстың қорытындысы бойынша Балалар кітапханасының оқырманы Әбілмансұр Жандосұлы бас жүлдені қанжығасына байлап, Ә.Тәжібаев атындағы облыстық әмбебап ғылыми кітапханасында өткізілетін байқауға жолдама алды. Ал Нұрдилназ Шамша І орын, Алдашбай ауылдық кітапханасынан Мәди Елдес ІІ орын, Төретам ауылдық кітапханасынан Ернар Сарқытбаев ІІІ орынды иеленді.
А.ЕРДҮЙСЕНҚЫЗЫ
