"Шәкәрім оқулары"

qarmaqshy-tany.kz Қармақшы аудандық орталықтандырылған кітапханалар жүйесінде ҚР Ұлттық академиялық кітапханасының қолдауымен жас оқырмандар және оқушылар арасында Шәкәрім Құдайбердіұлының 165 жылдық мерейтойына орай «Шәкәрім оқулары» атты аудандық байқау өткізілді.

Байқаудың мақсаты: Қазақ халқының ойшылы Шәкәрім Құдайбердіұлы шығармаларын насихаттау. Шәкәрім өлеңдерін жаттауды қолға алу Кітапхана оқырмандары, жаңа буынның интеллектуалдық пайым-парасатын арттырып, отансүйгіштігін қалыптастыруға ықпал ету.

Байқауға Раева Күлжауһар Төлегенқызы – «Қазақ тілі» қоғамының төрайымы, Дүзенова Гүлжанат Өмірқызы – Қызылорда облыстық Тілдерді дамыту орталығының Қармақшы ауданындағы мемлекеттік тіл оқытушысы, Қаниева Күлшара Бөгенбайқызы – Аудандық орталықтандырылған кітапханалар жүйесінің КММ директоры төрелік етті.

Байқау нәтижесі бойынша Балалар кітапханасының оқырманы Жандосұлы Әбілмансұр бас жүлдеге иеленіп Ә.Тәжібаев атындағы Қызылорда облыстық әмбебап ғылыми кітапханасында өткізілетін байқауға жолдама алды. Шамша Нұрдилназ І орын, Алдашбай ауылдық кітапханасынан Елдес Мәди ІІ орын, Төретам ауылдық кітапханасынан Сарқытбаев Ернар ІІІ орын және ынталандыру орнымен Ақжар ауылдық кітапханасының оқырманы Бірлікбекова Аида аудандық мәдениет және спорт бөлімінің сектор меңгерушісінің «Диплом» және «Алғыс хаттарымен» марапатталды.