Қармақшы аудандық кітапхананың коворкинг орталығында өткен «АЭС: Ертеңгі күнге жауапты қадам» тақырыбындағы дөңгелек үстел отырысы қоғамдастық арасында өзекті мәселелерді талқылауға арналған маңызды шара болды. Іс-шараға аудандық қоғамдық кеңес төрағасы Ә. Құлдүйсенов және Қармақшы аграрлы техникалық колледжі директорының тәрбие ісі жөніндегі орынбасары А. Дүкенбай қатысты.

Дөңгелек үстел барысында қатысушылар атом электр станцияларының (АЭС) Қазақстанның энергетикалық болашағындағы рөлі, экологиялық және қауіпсіздік мәселелері туралы пікір алмасты. Қатысушылар АЭС салу мәселесін әртүрлі тұрғыдан қарастырып, оның экономикаға ықпалы мен қоршаған ортаға әсерін талқылады.