Бала құқығын қорғау баршамыздың міндетіміз

«Отбасым мақтанышым» акциясы аясында Қармақшы ауданы А.Жанпейісов атындағы №105 мектеп-лицейінде «Балалар мен жасөспірімдер құқығын қорғау баршамыздың міндетіміз» ата-аналармен кездесу өткізілді.

Кездесу барысында №105 мектеп- лицейі директоры Н. Раймов сөз сөйлеп, бала тәрбиесіндегі ата-аналардың жауапкершілігіне тоқталып, кездесуді жүргізіп отырды.

Сонымен бірге Қармақшы ауданы полиция бөлімінің жергілікті полиция қызметінің бөлімше басшысы полиция капитаны Қ. Б. Ермаханов хабарлама жасады.

Құқық бұзушылықтың алдын алу, буллинг, лудомания секілді балаларға қауіптің алдын алу бағытында ата-аналарға түсіндірме жұмыстары жүргізілді.

Өз кезегінде ата-аналар комитетінің төрайымы К. Қазақбаева, «Әкелер Одағы» кеңесінің төрағасы С. Піржанов, пікірлерін білдіріп, бірлесіп жұмыс жасау, бала тәрбиесіндегі ата-аналардың жауапкершілігі жайлы айтып өтті.

Сонымен бірге №105 мектеп- лицейінің тәрбие ісі жөніндегі орынбасары А.Қозыбақов хабарлама жасап «Біртұтас тәрбие» бағдарламасының жүзеге асуы, «Өнегелі 15 минут», көңілді үзіліс, ұлттық тәрбие құндылықтары жайлы мағлұматтармен бөлісті.

Сондай-ақ №105 мектеп-лицейінің педагог-психологы А.Шайхиева баяндамалар жасап, отбасында жағымды психологиялық ахуал қалыптастырудың жолдары туралы айтып өтті.

Кездесу соңында «Әкелер Одағы» кеңесіне, ата-аналар комитеті жаңа мүшелермен толығып, ата-аналардың пікір алмасуымен жалғасты.