Бүгін К. Рүстембеков атындағы аудандық жыраулар үйінде «Қазақстандағы атомдық энергетика: Жаңа мүмкіндіктер» тақырыбында танымдық конференция өтті.
Конференцияға аудандық штаб мүшесі және аудандық мәслихат төрағасы Әділ Үсенұлы, кент және ауылдық округ әкімдері, сондай-ақ мәдениет мекемелерінің басшылары мен қызметкерлері, аудан тұрғындары қатысты.

Жиын барысында Әділ Үсенұлы Қазақстандағы атом энергетикасының мүмкіндіктері мен сын-қатерлері туралы маңызды мәселелерді атап өтіп, елдің энергетикалық тәуелсіздігін қамтамасыз етуде атом энергетикасының рөлі зор екенін жеткізді.

Одан кейін, конференция барысында аудан тұрғындары Қазақстанда атом электр станциясын салу мәселесі бойынша өз көзқарастарын айтып, ашық диалог алаңында еркін пікір алмасты.