«Жылу беру маусымына дайындық барысы» туралы штаб отырысы өткізілді

Аудан бойынша барлық әлеуметтік нысандардың 2024-2025 жылдардағы жылу беру маусымына жедел басшылық жасау, ұйымдастыру және бақылауға байланысты аудан әкімі Ж.Еркінбектің 2024 жылғы 30 сәуірдегі №20-ө/нқ өкімімен жедел штаб құрылып, маусым-шілде айларында барлық әлеуметтік нысандарға бақылау жүргізіліп келеді.

Алдағы жылу беру маусымына дайындық жұмыстары іс-шаралар жоспарына сәйкес атқарылуда.

Жиынды қорытындылаған аудан әкімінің міндетін уақытша атқарушы Айдын Серікұлы аудан көлеміндегі әлеуметтік нысандар мен тұрғын үйлерді жылумен, электр энергия және ауыз сумен үздіксіз қамту жұмыстарына жауапты сала мекеме басшылары бірлесіп шаралар қабылдау қажет екенін баса айтып, тапсырмалардың орындалуын қатаң тапсырды.