Елдос Сметовке жаңа көлік пен 5 бөлмелі пәтер берілді
Париж Олимпиадасының чемпионы Елдос Сметовке жаңа көлік пен 5 бөлмелі пәтер берілді. Бұл туралы Stan.kz ақпарат агенттігі хабарлайды.
Олимпиада чемпионына туған жері Таразда құрмет көрсетілді. Жамбыл облысының әкімі Ербол Қарашөкеев Сметовке жаңа Lexus 600 автокөлігі мен Тараз қаласынан 5 бөлмелі пәтердің кілтін табыстады.
Сметовтің жаттықтырушысы Ғалымжан Жылгелдиевке де 2 бөлмелі пәтер берілді.
Еске салсақ, бұған дейін Тараз әкімдігінің Елдос Сметовтің Олимпиададағы жеңісінен кейін үйінің алдына асфальт төсеп бергені туралы жазған едік.
