Олимпиада ойындарының екі дүркін жүлдегері Елдос Сметов Париж олимпиадасының жартылай финалына шықты. Бұл туралы Stan.kz ақпарат агенттігі хабарлайды.

Елдос Сметов Париж олимпиадасының жартылай финалына шықты. 60 келіде сынға түскен отандасымыз алғашқы айналымда нидерландық Торнике Чакадуадан басым түссе, екінші кезеңде украин Дильшот Халматовпен белдесті. Сметов Халматовты “вазарри” әдісімен жеңіп, ширек финалға шықты. Ал ширек финалда Токио олимпиадасының күміс жүлдегері, тайпейлік Янг Вэйден басым түсіп, жартылай финалға жолдама алды. Жартылай финалда испаниялық Франсиско Гарригоспен белдеседі.