Бокстан әлем чемпионаты: Қазақстандықтардың қарсыластары белгілі болды
Бокстан әлем чемпионатының жартылай финалына 5 отандасымыз өткен. Олар финалда еліміздің намысын қорғау үшін тартысқа түспек. Айтулы кезеңдегі қазақстандықтардың қарсыластары белгілі болды, деп хабарлайды Stan.kz ақпарат агенттігі.
Теміртас Жүсіпов беларуссиялық Евгений Кармильчикпен жұдырықтасады. Кармильчик – Еуропа ойындарының және Әлем чемпионаттарының қатысушысы және тәжірибелі спортшылардың бірі.
54 келіге дейінгі салмақта Махмуд Сабырхан үндістандық спортшы Акаш Кумармен жекпе-жек өткізеді. Кумар ширек финалда Рио Олимпиадасы жүлдегерін жеңген болатын.
Қазақстан құрамасының капитаны Абылайхан Жүсіпов жапониялық боксшы Севонрет Оказавамен жартылай финалда кездеседі.
51 келіге дейінгі салмақта Сәкен Бибосынов Танарат Саенгфетке қарсы кездесу өткізеді. Таиландтық спортшы ширек финалда әзірбайжандық Масуд Юсуфзадені жеңген.
57 келіге дейінгі салмақ дәрежесінде Серік Теміржанов жартылай финалда кубалық боксшы Освей Кабаллеро Гарсиямен жұдырықтасады.
Айта кету керек, әлем чемпионатында жартылай финалға өткен спортшылар саны бойынша Қазақстан алғашқы орынды Куба және Ресеймен бөліскен. Үш елден де 5 спортшы финалға жолдама үшін күреседі.
