Финалға бір қадам: Жартылай финал қатысушылары анықталды
Белград қаласында өтіп жатқан тартысты сайыстың да аяқталуына аз қалды. Қазақстандық 10 спортшы қарсыластарының арасынан топ жарып, ¼ финалға өткен болатын. Алайда тек 5 боксшы жартылай финалға жолдама ала алды, деп хабарлайды Stan.kz ақпарат агенттігі.
48 келіге дейінгі салмақ дәрежесінде жұдырықтасқан Теміртас Жүсіпов өзбекстандық қарсыласы Нодиржан Мирзаахмедовты төрешілер шешімімен жеңді. Спортшымыз енді финалға жолдама үшін кездесу өткізеді.
54 келіге дейінгі салмақта өнер көрсеткен Махмуд Сабырхан мишель Тринидадты төрешілердің бірыңғай шешімімен жеңді.
Жартылай финалдың үшінші жолдамасы Қазақстан құрамасының капитаны Абылайхан Жүсіповке тиесілі. 67 келіге дейінгі салмақ дәрежесенде жұдырықтасқан ол моңғолиялық Баатарсүхий Чинзоригтен басым түсті.
Кешкі сессияда жұдырықтасқан Сәкен Бибосынов та жартылай финалға жолдама алды. Ол ширек финалда Юберхен Мартинеспен жекпе-жек өткізген болатын.
57 келіге дейінгі салмақ дәрежесінде өнер көрсеткен Серік Теміржанов Эдуард Савинді жеңіп, жартылай финалға өтті.
Өкінішке қарай, қалған спортшылар Саматәлі Төлтаев, Нұрқанат Райыс, Санатәлі Төлтаев, Асланбек Шымбергенов пен Нұрбек Оралбай жартылый финалға өте алмады.
