Кент көркейіп келеді
Уақыт алға жылжыған сайын ауданымыз да көштен қалмай дамып келеді. Жыл сайын жаңа жарқын бастамалар жүзеге асырылуда. Соның ішінде ауылдың келбетін жақсарту, көркейту-көгалдандыру жұмыстарына ерекше ден қойылған. Аудан орталығы Жосалы да біраз жаңарғаны анық. Десе де кентті көркейту жұмыстары әлі де тоқтаған жоқ. Осы орайда жуырда аудан әкімі Жандос Еркінбек Жосалы кентіндегі бірнеше нысанды аралады.Аудан басшысы бірінші кезекте Т.Рысқұлов және Жолдыбаев көшелеріндегі абаттандыру жұмыстарының сапасын тексерсе, А.Құнанбаев көшесіндегі абаттандыру жұмыстары жүргізілетін орынды бақылады. Бұл жұмыстар тұрғындарға қолайлы жағдай жасау және кенттің көркін жақсарту мақсатында жүргізіліп жатыр.
Мұнан соң Самара-Шымкент трассасының бойындағы саябақтың жағдайын көріп, саябақтағы демалыс орындарының, жаяу жүргінші жолдарының және балаларға арналған алаңдардың жағдайын бақылады. Сонымен қатар, саябақтың тұрғындар үшін маңызды демалыс орны екенін атап өтті.
Бақылау жұмыстары келесі кезекте Сырдария өзенінің бойынан салынған жағажайда жалғасты. Мұндағы жұыстарды пысықтаған аудан әкімі қауіпсіздік шараларына ерекше назар аударуды тапсырды. Сондай-ақ Ү.Томанов көшесінде жүргізіліп жатқан күрделі жөндеу жұмыстарын қарап, сапасы мен мерзімдерін тексерді. І.Мүсірбаев көшесі мен Жосалы – Жалағаш автожолының бойында жүргізілетін абаттандыру жұмыстарының орындарын да көрді. Бұл жұмыстар кенттің инфрақұрылымын жақсартып, тұрғындардың өмір сапасын арттыруға бағытталған.
Аудан әкімі әр нысанды аралау барысында тұрғындармен кездесіп, олардың ұсыныстары мен тілектерін тыңдады. Жауапты тұлғалармен сөйлесіп, жұмыстардың уақытылы және сапалы орындалуын қатаң тапсырды.
«ҚТ» ақпарат
