Бала еңбегін қанау проблемасы бүкіл әлемде орын алып отыр.Бала еңбегі баланың дене дамуы мен психоәлеуметтік дамуына үлкен, кейде оңалмайтын нұқсан келтіреді.

Бала – ертеңгі өмірді жалғастырушы, ізбасар. Оның өмірінің әр күні мен сағаты тіпті, минутының қалай өтіп жатқанын ата-ананың басты назарында болуы тиіс екенін ұғындыруымыз керек. Әр оқушы өзінің құқығын білуі маңызды.Бұғанасы қатпаған бала еңбек етіп, күн көрмеуі керек, керісінше балалық шағында мектепте берілетін біліммен еркін сусындап, жазғы мезгілде еркін дем алуы қажет.

Осы орайда аудандық білім бөлімі, жергілікті полиция қызметі бөлімшесінің ювеналды полиция тобының қызметкерлерінен құралған арнайы топ жеке нысанды жұмыс орындарына аралау жүргізіп, балаларды қорғаудың заңды талаптары туралы, бала еңбегін қанауға жол жоқ екендігі, бала еңбегін заңды түрде жүргізілуі туралы кәсіпкерлерге түсінік жұмыстарын жүргізіп, жадынамалар мен үндеу хаттар таратты.

Сондай-ақ, бала құқығын қорғауға бағытталған жұмыстар алдағы уақыттада жалғасын табатын болады.