Қазақстанда онлайн-несиелер жаңа әдіспен беріледі

Сенат депутаттары заңға несие беру кезіндегі тәуекелді азайтуды реттейтін түзетулер енгізді, - деп хабарлайды Tengrinews.kz тілшісі.

Наурызда Мәжіліс қабылдаған несие берудегі тәуекелдерді азайту, қарыз алушылардың құқықтарын қорғау, қаржы нарығын реттеу және атқарушылық іс жүргізуді жетілдіру туралы заңда міндетті шарт – қазақстандықтардың биометриялық деректерін пайдалануды енгізу көзделген.

Заңды қарағаннан кейін сенаторлар түсініктеме берді: жаңа норма тек жеке тұлғаларға қатысты болады. Осылайша, онлайн несие алу үшін қазақстандықтар биометриялық мәліметтерді – бет пен көз торын сканерлеу керек.