Жосалы кентінің әкімі тағайындалды
Досмұратов Алмасхан Әріпханұлы 2024 жылғы 20 мамырдағы Қармақшы ауданының аумақтық сайлау комиссиясының шешіміне сәйкес Жосалы кентіне сайланған әкімі ретінде тіркелді.
Алмасхан Әріпханұлы 1986 жылы 26 желтоқсанда Қызылорда қаласында дүниеге келген.
2008 жылы – Алматы қаласындағы Қазақстан Республикасы ІІМ Академиясының Заң институтын, «Құқық қорғау қызметі» мамандығы бойынша бітірген.
Алғаш еңбек жолын 2008 жылы Қармақшы аудандық ішкі істері бөлімінде учаскелік полиция инспекторы қызметінен бастаған.
2010 - 2015 жылдары ҚР Ішкі істері министрлігінің Байқоңыр қаласындағы Өкілдігінің учаскелік полиция инспекторы, тергеуші қызметтерін атқарған.
2017 жылы Қармақшы аудандық кәсіпкерлік, өнеркәсіп және туризм бөлімінде және 2017 жылдың тамыз айында Қармақшы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің бас маман болып жұмыс жасаған.
2018-2020 жылдар аралығында Жосалы кенті әкімі аппаратының ұйымдастыру және мемлекеттік құқықтық жұмыстар бөлімінің басшысы.
2020 жылдан бастап Жосалы кенті әкімінің орынбасары қызметін абыроймен атқарып келді.
