Саулыққа арналған сайыс

Тәннің саулығы бәрінен маңызды. Сол себепті әркез денсаулыққа көңіл бөлу керек. Осы орайда жақында No1 санаториялық бөбекжай- бақшасында «Спорт – достық, спорт – денсаулық» тақырыбында денсаулық апталығы өтті. Апталық аясында бөбекжай- бақшаның қызметкері, музыка жетекшісі Разия Тұржанованың ұйымдастыруымен ұжымдық сайыс өткізілді. Іс-шараның негізгі мақсаты – балабақша ұжым қызметкерлерін саламатты өмір салтын ұстануға баулу. Балабақша медбикесі бірінші кезекте қатысушылардың қан қысымын және жүрек қағысын тексеріп, сайысқа қатысуына рұқсат берді. Отбасылық сайысқа 5 ойыншыдан құралған 3 команда қатысты. Аталмыш сайыс 5 кезеңнен тұрды. Қызыққа толы тартысты сайыстың нәтижесі бойынша «Сұңқар» тобы 22 ұпай есебімен І орынды жеңіп алды. Ал «Көкбөрілер» мен «Бүркіт» командалары 20 ұпаймен тең түсіп, ІІ орынға жайғасты. Сайыс соңында барлық қатысушыларға диплом мен арнайы номинация бойынша марапаттар тапсырылды.