Экскурсия жүргізілді

Қармақшы ауданының Төтенше жағдайлар бөлімі, Қармақшы ауданы №10 өрт сөндіру бөлімі қызметкерлері 9 мамыр - Ұлы Жеңіс күні мерекесі қарсаңында музейде болды. Мерекеге орай келген келушілерге ел есінде есімдері қалған боздақтарымыз, олардың өмір тарихы мен жасаған ерліктері жайында экскурсия жүргізілді.

Майдангер деген мәртебелі ұғымның мағынасы ашылып, соғысқа аттанған жерлестеріміздің суреттері мен заттары таныстырылып, батырларымыздың ерлігі насихатталды.

Отан үшін от кешкен жаужүректерімізді ұлықтап, жанқиярлық ерлікпен қаза тапқан батырларымызды еске алу біздің басты міндетіміз. Елдіктің еңселі биігін ел басына күн туғанда көрсете білген майдангерлер қандай да болсын құрметке лайық.