9 Мамыр – Ұлы Жеңіс күні деп тойласақ та, оның салмағының ауыр болғанын бүгінгі ұрпақ ешқашан да ұмытпауы тиіс.

Ұлы Отан соғысы кезінде ауыл шаруашылығында еңбек еткен ерлер майданға аттанды.

Олардың орнын қариялар, әйелдер мен балалар басып, майдан даласын азық-түлік және шикізатпен қамтамасыз етті. Олар күні-түні аянбай, тылда еңбек етіп, Ұлы Жеңіске жетуге үлкен үлесін тигізді. Тылдағы әрбір күн соғысқа тең еді.

Осындай Ұлы Отан соғыс кезінде тылда аянбай еңбек еткен қарияларымыздың бірі Шүкіров Сейітжан мен Бисеналиева Камал.

Бүгін "AMANAT" партиясы Байқоңыр филиалының төрағасы Еркін Рзалиев пен партия филиалының Атқарушы хатшысы Мақсат Есбенбетов Сейітжан ата мен Камал әжеміздің шаңырағына барып, хал-жағдайын сұрап, тылдағы еңбектің ұмытылмайтынын айтып, батасын алды.

Елімізде ардагерлерге көрсетіліп жатқан құрметке риза болған аяулы қарияларымыз "AMANAT" партиясына жылы лебізін білдіріп, алғысын айтты.