Жалпы білім беретін пәндер бойынша олимпиада жүлдегерлері марапатталды

Аудандық білімінің ұйымдастыруымен жалпы білім беретін пәндер бойынша олимпиада, 2-4 сынып оқушылары арасында "Бастау" математикалық олимпиадасы және "Зерде" республикалық ғылыми зерттеу шығармашылық конкурсының жеңімпаздарын марапаттау кеші өткізілді.

Салтанатты шараға ауданның бас ұстазы Абдазиева Гульзира Мажитқызы арнайы қатысып, 2023-2024 оқу жылының қорытындысы негізінде дарындылығымен танылып, білім додаларында жүлдеге ие болған оқушыларды құттықтап, алдағы жарқын өмірлеріне сәттілік тіледі.

Сонымен қатар білім бөлімі басшысы оқушылардың аудан абыройын асқақтатып, республикалық сайыстан олжалы оралуы білім нәрімен сусындатқан ұстаздарының елеулі еңбегі екендігін атап өтіп, балалардың алдағы уақытта да оқуда озат болуына тілектестігін білдіріп, жетекші ұстаздар қауымына да өз алғысы ретінде марапат табыс етті.