Жалпы білім беретін пәндер бойынша республикалық ғылыми жобалар конкурсының аудандық кезеңі өткізілді

qarmaqshy-tany.kz Қармақшы ауданы бойынша білім бөлімінің ұйымдастыруымен «Дарын» облыстық қосымша білім беру орталығының 2023-2024 оқу жылына арналған жұмыс жоспарына сәйкес жалпы білім беретін пәндер бойынша республикалық ғылыми жобалар конкурсы І (аудандық) кезеңі №284 мамандандырылған мектеп-лицейі базасында өткізілді.

Аудандық кезеңге білім бөлімінің басшысы Г.Абдазиева арнайы барып, озық ойлы,ойы ұшқыр, идеясы ерекше бірқатар жастар жұмысының барысымен танысты.

Оқушылардың ғылыми-зерттеу жұмыстарын ынталандыру және жас дарынды зерттеушілерді іріктеп, оларға қолдау көрсету мақсатында өткізілген жобалар байқауына білім беру ұйымдары бойынша 9-11 сынып оқушылары негізінде 80-ге жуық оқушылар қатысып, 16 секция бойынша ІV бағытқа бөлініп, зерттеуге ұсынылған жобалық жұмыстар қорғалды. Байқау жеңімпаздары ретінде анықталған оқушылар 1, 2 және 3-ші дәрежелі дипломдармен марапатталды.

Қатысушыларды жеңістерімен құттықтай отырып, алдағы облыстық кезеңде жүлделі орындарға ие болуларына тілектестігімізді білдіреміз!!