Практикалық жұмыс жүргізілді
А.Жанпейісов атындағы 105 мектеп-лицейінде «Мектеп кітапханасындағы функционалдық сауаттылықтың өзекті нысандары» тақырыбында аудан мектептерінің кітапханашыларына арналған семинарына Жосалы кенті орталығындағы А.Жанпейісов атындағы №105 мектеп-лицейінің директоры Еркебаева Гулзира Мұратбекқызы арнайы қатысып, жаңа жобаларымен бөлісті.
Семинар барысында төмендегідей әдіс-тәсілдер қолданылды:
"Көлеңкелі поэзия" - сыни ойлауды және ақпаратпен жұмыс істеу дағдыларын қалыптастыру бойынша мәтінмен жұмыс жасалды.
"Write around" - ақпараттық сауаттылық пен сыни ойлауды қалыптастыру, сондай-ақ ғылыми-зерттеу жұмысында дағдыларды дамытуда практикалық жұмыс жүргізілді.
"Keyword Hexagon" - түйінді сөздер арқылы белсенді оқыту әдістемесімен Т.Әбдіктің "Оң қол", "Қонақтар" және О.Бөкейдің "Тортай мінер Ақ боз ат" кітаптары талданды.
"Тарсия" әдісі - зерттеуде ақпарат жинау кезінде идеяларды біріктіру үшін шешімдерді іздеу бойынша практикалық жұмыс жүргізілді.
"Әңгімені жалғастыр" әдісі арқылы "Естелік" тақырыбында әңгіме құрастырылып, аудандық семинар қорытындыланды.
