Мектеп кітапханасының инновациялық қызметі

qarmaqshy-tany.kz Қармақшы ауданы бойынша білім бөлімінің ұйымдастыруымен А.Жанпейісов атындағы №105 мектеп-лицейінде "Оқушылардың оқу сауаттылығын қалыптастырудағы мектеп кітапханасының инновациялық қызметі" тақырыбында дөңгелек үстел болып өтті.

Бүгінгі күні білім кеңістігіндегі оқыту үдерісінің функционалдық сауаттылықты қалыптастыру, оқушы бойына шығармашылыққа деген қызығушылықты арттыру, кәсіби мүмкіндіктері бар платформалармен таныстыру барысында ұйымдастырылған шарада аудандық білім бөлімінің әдіскері А.Қосанова және ауданымыздағы 13 білім ордасының кітапханашылары қатысып, өзара тәжірибе алмасты.

Шара барысында алдын - ала дайындалған бағдарлама бойынша "Lego Poetry", "Jenga Book", "Clipchamp" "Cynzy" жобалары таныстырылып, балаларды ойын арқылы кітап оқуға, поэзияға баулуға, қиял, шығармашылық дағдылар, мақала мазмұнын талдау бойынша "Сүйікті бірінші парағым", "Кітабыңызбен бөлісіңіз" және ""Менің сүйікті сөзім - сөздіктермен жұмыс" сияқты практикалық жұмыстар көрсетілді. Аталмыш жұмыстарға барлық қатысушылар өз ойларын айтып, пікір алмасты.